Paano nga ba nag-propose si Nash Aguas kay Mika Dela Cruz at bakit pinili nilang magkaroon ng intimate wedding? Alamin dito.

Simple lamang pero puno ng pagmamahal ang naging marriage proposal ni Nash Aguas kay Mika Dela Cruz.

Sa interview kay Bernadette Sembrano, ikinuwento ni Mika kung paano nag-propose sa kanya si Nash Aguas noong January 4.

“Nakakatawa po. Nandoon lang kami sa living room tapos ako nakapambahay lang. Dala niya ‘yung iPad niya, nag-propose s’ya with the word of God,” kuwento ni Mika.

Ikinasal sina Mika at Nash noong May 18 sa Adriano’s Events Place sa Tagaytay. Sa same day edit video na inilabas ng Nice Print Photography, mapapanood na bago pa man ang seremonya ng kanilang kasal ay nagkaroon ng first touch at first prayer sina Mika at Nash.

“Everything we do syempre we seek God for guidance. It’s just that we wanted to pray before we enter the next season. Actually, that was our last prayer before getting married. And, we wanted to thank him kasi umuulan the whole day basically and then nag-stop ‘yung ulan nu’ng malapit na mag-ceremon,” pagbabahagi ni Nash.

Ikinuwento rin nina Mika at Nash kung bakit pinili nila na magkaroon ng intimate wedding.

“On that day very important sa amin not because it’s our wedding, pero it’s our wedding with God. Gusto namin na ma-feel namin ‘yung presence ni Lord, ‘yung love for each other. We’re not against naman big weddings, pero I think [it’s] our personalities,” sabi ni Nash.

Pagpapatuloy ni Mika, “And also siguro rin para our families would be present din, na ‘yung side n’ya and ‘yung side ko makapag-usap.

“In terms of friends po, ang dami po naming friends. Like siya, we came from different networks so it would be so much po if we would invite everyone from that. Iba rin ‘yung work n’ya now so we didn’t want to choose. Ayaw po namin mamili na si ganito lang kasi we love each other, pantay-pantay po.”