Atasha Muhlach nabuntis nga ba ni Vico Sotto, how true?

TRULILI kaya ang chikang kumakalat ngayon sa social media kung saan nabuntis daw umano ni Pasig City Mayor Vico Sotto ang “Eat Bulaga” host na si Atasha Muhlach?

Isa kasi ito sa naging topic ng talent manager na si Ogie Diaz sa kanyang YouTube vlog na “Showbiz Update” kasama sina Mama Loi at Ate Mrena.

May mga vloggers raw kasi na nagkakalat sa social media ng chika na tila may nangyari kina Atasha at Vico at nabuntis na nga daw ng alkalde ang dalaga.

May mga kumakalat pa ngang chika na niregaluhan pa raw ng alkalde ng singsing ang anak nina Charlene at Aga pagkat handa raw itong pakasalan ito.

Kaya naman personal raw na kinausap ni Ogie si Atasha upang malaman ang katotohanan patungkol sa mga kumakalat na chika.

Ayon sa dalaga, maging siya ay nagtataka kung saan nanggagaling ang tsismis sa pagitan nila ng anak ni Bossing Vic Sotto.

“Kinorner ko si Atasha. Sabi ko sa kanya, ‘Ano ‘yung balita sa inyo ni Vico Sotto?’ [Sagot niya], ‘yun nga Tito e. Nagtataka rin ako. Hindi ko alam ‘yun kasi unang-una hindi pa po kami nagkikita,” lahad ni Ogie.

“So in other words, ‘yun pong mga pinapanood ninyo na kaagad-agad napaniwalaan ninyo, mga fake news po ‘yan. Dahil usong-uso po ‘yan sa YoTube, yung mga nag-iimbento ng mga balita… tapos wala naman silang mga sources. Tapos parang nagwi-wish pa sila ng bonggang-bongga sa dalawa (Atasha at Vico) e wala nga silang pinagkuhaan ng balita.

Nagbabala pa nga si Ogie na mag-ingat sa mga nagpapakalat ng fake news.

“Kaya wag po kayong masyadong nagpapaniwala [sa fake news]. Kami rito may mga resibo kaming binabalandra otherwise nakausap ko ‘yung artista… Kapag galing po dito ang balita, not necessarily paniniwalaan ninyo kundi pakikinggan n’yo lang. Nasa sa inyo na kung maniniwala kayo o magagalit kayo sa amin,” sey pa ni Ogie.